दया भयो दलाल !

पैसाले तौलिए मानिस सम्बन्ध भयो व्यापार,

संवेदनाले के गर्छ र ? शक्ति मै छ लछारपछार ।

छिमेकी रुन्छ पीडामा आँखा चिम्लिन्छ शहर,

सामाजिक बन्धन खै त ? दम्भकै छ असर ।।

सत्य भन्दा मिठो लाग्छ यहाँ झूटको व्यापार,

इमान बेच्नेहरू छन् अगाडी, इमान्दार भए लाचार ।

सहयोगको नाममा पनि हुन्छ स्वार्थकै हिसाब,

मनको कुरा हराइसक्यो अब देखावटी भए संवाद ।।

आफ्नै घाऊ लुकाउँदै अरूलाई के दिन्छौ पाठ ?

उत्तरदायित्वको पाठ पढाउने स्कुल पनि भइसक्यो टाट ।

सेवामा पनि फेशन हुन थाले यहाँ फोटै खिच्ने चाल,

आँसु बेचेर हाँस्नु छ हजुर दया पनि भयो दलाल ।।

😄 26

खुसी

😢 0

दुःखी

😮 0

अचम्मित

😃 0

उत्साहित

😠 0

आक्रोशित